28 мамыр күні 17.00-де Жазғы президенттік көпсайыстың  ашылу салатанаты стадионда өтті. Республикалық спорт және дене шынықтырудың бұқаралық іс-шаралардың күнтізбелік жоспарына сәйкес, а.ж. сәуір-маусым аралығында спорттың 31 түрінен «Жастар жылына» арналған жоғары оқу орындары студенттерінің Х-шы жазғы Универсиадасының өтуі жоспарланған. Осыған орай универсиада бағдарламасы бойынша 27-31 мамыр аралығында  Өскемен қаласында жазғы президенттік көпсайыстан жарыстар өтуде. Жарысты ШҚМТУ-дың дене шынықтыру кафедрасы өткізуде. Жазғы президенттік көпсайыстан Х-шы универсиадаға ЖОО-ның 15 командасы, 70 студенттер қатысып жатыр. Жарыстың қорытындысы бойынша Қазақстанның мықты президенттік көпсайыс командасы белгілі болады. Ашылу салтанатына қатысқан қонақтар мен спорт ардагерлері:

  1. Білім және ғылым министрлігі ұлттық ғылыми практикалық дене шынықтыру орталығының бас маманы Аман Музапаров.
  2. Жеңіл атлетикадан спорт шебері және спорт ардагері, совет одағының студенттер арасындағы бірнеше дүркін жеңімпазы Рақымғазы Көшербаев.
  3. Жеңіл атлетикадан спорт шеберіне үміткер және спорт ардагері техникалық жоғары оқу орындары арасындағы совет одағының студенттер арасындағы жеңімпазы Жалел Қадыров.
  4. Спорт ардагері, президенттік көпсайыстың екі дүркін Әлем чемпионы Ирина Троеглазова.
  5. Дене шынықтыру және спорт кафедрасының  меңгерушісі, Шығыс Қазақстан облысы волейболдан студенттік және мектеп лига федерациясының президенті Болатбек Даумов.

Х-шы жазғы универсиадаға қатысып жатқан Қазақстан Республикасының ЖОО командалары:

  1. Ахмет Байтұрсынов атындағы Қостанай мемлекеттік университеті
  2. Мухаммед Хайдар Дулати атындағы Тараз мемлекеттік университеті
  3. Қазақ Ұлттық қыздар педагогикалық университеті
  4. Манаш Қабашұлы Қозыбаев атындағы Солтүстік Қазақстан мемлекеттік университеті
  5. Шәкәрім Құдайбердіұлы атындағы мемлекеттік университеті
  6. Қазақстан-Американдық еркін университеті
  7. Сәрсен Аманжолов атындағы Шығыс Қазақстан мемлекеттік университеті
  8. Дәулет Серікбаев атындағы Шығыс Қазақстан мемлекеттік техникалық университеті

Барлық жарысқа қатысушыларға жеңіс тілейміз.

Дене шынықтыру және спорт кафедрасының меңгерушісі,
Даумов Б.А.