Бүгін Д. Серикбаев атындағы ШҚТУ-дың нәзік жандарына арналған мерекелік концерт өтті. Онлайн форматта ұйымдастырылған іс-шарада бірінші болып құттықтауын университет ректоры айтты.

- Құрметті университетіміздің әйелдер қауымы. Сіздерді Халықаралық әйелдер күнімен құттықтаймын. Шынында да, біз қазір университетімізді сіздерсіз елестете алмаймыз. Қызметкерлердің 70% - дан астамы арулар. Бала тәрбиелеп, жас буын өкілдерін білім нәрімен сусындатып, азамат болып қалыптасуына тигізіп жатқан рөлдеріңіз елеулі. Сіздерге денсаулық, бақыт, отбасыларыңызға бақыт тілеймін,- деді ШҚТУ ректоры Жасулан Шаймарданов.

Мерекелік жиын барасында бірқатар қызметкерлердің еңбегі еленіп, облыс әкімінің орынбасары Әлишер Мархаббат, қала әкімі Жақсылық Омар және ректор Жасұлан Шаймардановтың атынан алғыс хаттар мен грамоталар табысталды.

Сонымен қатар, әскери кафедра, дене шынықтыру және спорт факультеті мамандары бейнеқұттықтауларын паш етіп, нәзік жанды әріптестерін 8 наурыз мерекесімен құттықтады. Онлайн бас қосу соңында Шығыс Қазақстан техникалық университеті студеттері және қызметкерлері дайындаған ән және би нөмірлері назарға ұсынылды.