Д. Серікбаев атындағы ШҚТУ-да өз үлгісіндегі дипломдар табыстау жалғасуда. Бүгін білім туралы құжаттарды тапсыру рәсімін машина жасау мектебі өткізді. «Фирмалық дипломдарды" "Машина жасау", "Траспорт, транспорт техникасы және технологиялары", "Технологиялық машиналар және құрал-жабдықтар", "Тасымалдау, қозғалысты ұйымдастыру және көлікті пайдалану" білім беру бағдарламаларының түлектері алды.
Университет бітірушілерін басқарма басшысы-ректор Жасулан Шаймарданов құттықтады.
- Құрметті түлектер, сіздерге өзіндік үлгідегі дипломдарды тапсыра отырып, университет жақсы мамандарды даярлағанына кепілдік беретінін айтқым келеді. Бұл құжатпен сіздер еңбек нарығында бәсекеге қабілетті боласыздар, - деді ректор Жасұлан Құдайбергенұлы.
Мектептің 192 түлегі қолдарына жоғары білім туралы дипломын алды. Онлайн іс-шарада 4 жыл ішінде ғылым, білім, спорт, шығармашылықта өз-өзін жақсы жағынан көрсетіп, қандайда бір жетістіктерге жеткен студенттер ерекше аталып өтілді. Олардың қатарында Артур Жаирбаев, Вадим Шанин, Нұржан Райымбек, Әмір Русланұлы, Қайрат Кәкешев сынды түлектер бар.
Мектеп деканы Татьяна Брим, диплом рәсіміне қатысқан түлектерді құттықтап, ақ жол тіледі. Магистратураға түсуге шақырды.
