Д. Серікбаев атындағы Шығыс Қазақстан техникалық университеті MARA (UiTM) Технологиялық университетімен өзара түсіністік туралы меморандумға қол қойды.
Анықтама ретінде айта кеткен жөн, Universiti Teknologi MARA (UiTM) — Малайзия көлемінде заманауи инфрақұрылымы мен технологиясы бар 34 кампуста, 4 оқу колледжінде, 14 факультетте және 9 Академиялық орталықта инновациялық білім беретін ең ірі университет.
UiTM негізгі, бакалавриат, магистратура және докторантура деңгейінде 500-ден астам академиялық, сондай-ақ кәсіби бағдарлама ұсынады.
ШҚТУ ғалымдары қыркүйекте серіктес университетпен INTI Халықаралық университетінде CDIO бастамасымен өтетін халықаралық конференцияға қатысады.
Бүгінгі кездесу және бекіткен ынтымақтастықтың маңызы жоғары. Азия университеттері интернационалдандыру бағытындағы маңызды стратегиялық серіктестердің біріне айналып келеді.
Бірлескен қызметтің ұтымды нәтижесіне және пайдасына сенім артамыз!
