Д. Серікбаев атындағы ШҚТУ – өңірдегі тау-кен металлургиясы, инженерлік-техникалық, сәулет-құрылыс, экономикалық және ақпараттық - коммуникациялық бейіндегі жоғары білікті мамандарды даярлайтын орталық. Мемлекеттік саясаттың техникалық мамандықтарға басымдық беріп отырғаны аян және биыл осы мақсатта IT және техникалық бағыттағы білім салаларына грант көбірек бөлінетіні жоспарлануда.
Жоғары оқу орны кәсіптік бағдар беру жұмысы туралы кеңінен ақпарат беру мақсатында аудан мектептеріне алғашқы рет форум өткізген болатын. Форум аясында қалалық мектептерге де семинар-тренинг өткізуді жоспарланды.
Семинар- тренингті кәсіби бағдар беруші консультант, педагогика және гуманитарлық ғылымдар магистрі Ілияс Маратұлы Садуақасов жүргізді. Арнайы курс авторы, CITO компаниясының мамандандырылған тестілеуші-психометригі, көптеген әдістемелер, тестілер мен курстар авторы Алматы қаласынан шақырылып отыр.
Екі күндік іс-шара қазақ, орыс тілдерінде өтіп, кәсіби бағдар берушілерге шеберлік сағаттары ұйымдастырылды. Бұдан бөлек, қатысушылар Д. Серікбаев атындағы ШҚТУ базасымен танысып, студенттерімен, декандары және профессорларымен жолықты.
Келелі жиын соңында қатысушылардың барлығына арнайы сертификаттар табысталды.
