Д.Серікбаев атындағы Шығыс Қазақстан техникалық университеті еліміздің оңтүстік облыстарында мектеп бітіруші түлектермен кәсіби бағдарлық жұмысын Қызылорда облысынан бастады.
24-ші сәуірде университетіміздің еліміздің оңтүстік аймақ бойынша кәсіби бағдар бойынша жауапты маманы Ишимбаева Ш.К. және әдіскер Дауылбаева Ә. С. Қызылорда облыстық білім басқармасы Қызылорда облыстық "Оқу орталығы" кәсіптік білім бөлімінің әдіскері Таңнанбек Ұлан Жетібайұлымен кездесіп, іссапар мақсатымен бөлісті.
Алғашқы кездесуді Сырдария аудандық білім бөлімінің басшысы Ж.О.Қойшыбаевамен хабарласып, Сырдария ауданының орталығы Тереңөзек кентіндегі Әбділда Тәжібаев атындағы #36 мектеп-лицейінен бастады. Мектеп-лицейде кәсіптік бағдар бойынша жауапты маманы Зағипа Бейманованың ұйымдастыруымен 11-сынып түлектерімен кездесіп, университетіміз туралы толық мағлұмат беріп, кәсіби бағдар жұмысын жүргізді.
Ары қарай іссапарларын Жалағаш ауданының орталығы Жалағаш кентінде орналасқан Әль-Фараби атындағы #201 мектеп-лицей түлектерімен жалғастырды.
Ертең іссапарларын Шиелі ауданының мектеп түлектерімен кездесумен жалғастыру жоспарланған.
