Оқуға түсуге асығыңыз!
Д.Серікбаев атындағы ШҚТУ ағымдағы оқу жылына бакалавриатқа 22, магистратураға 7 санат бойынша жеңілдіктер және университет пен колледж білім алушыларына тағы 7 санат бойынша әлеуметтік қолдау ұсынып отыр. Олардың қатарында, әдеттегідей, әлеуметтік аз қамтылған студенттер ғана емес, түрлі білім конкурстарының, олимпиадалардың жеңімпаздары, бірінші дипломы ШҚТУ-да алынғандар, ҰБТ бойынша 100 баллдан жоғары жинағандар және т.б. бар. Жеңілдіктер көлемі 5-100 пайызға дейін барады. Толыққанды жеңілдік, яғни, тегін оқу мүмкіндігі қазақстандық және шет елден келген тұл жетім балаларға және бала кезінен I, II және III топ мүгедектігі бар талапкерлерге беріледі. Сондай-ақ, ағымдағы жылдың 25 тамызына дейін жылдық оқуына 100% алдын ала төлем жасаған қазақстандық және шетелдік білім алушыларына 5% жеңілдік бар.
Айта кету керек, жеңілдіктің ұзақтығы әр санат бойынша әртүрлі болуы мүмкін. Кей санаттарда жеңілдік барлық оқу жылдарына берілсе, басқаларында оқудың алғашқы жылына жеңілдік жасалуда. Толық ақпарат алу үшін /grantsanddiscounts.aspx сілтемесі бойынша парақшаға кіріп, жоғары жағында «Жеңілдіктер» деген тұсқа өту керек. Сонымен қатар, жеңілдіктер туралы барлық ақпарат суреттегі QR-код арқылы да қолжетімді.
