Д.Серікбаев атындағы Шығыс Қазақстан техникалық университеті әскери кафедрасының базасында жазғы оқу жиындары аясында әскери-қолданбалы спорт түрлерінен спорттық жарыстар ұйымдастырылып, оған үш оқу ротасының студенттері қатысты.
Жарыстар келесі спорт түрлері бойынша өтті:
- Армрестлинг;
- Гір спорты;
- Турникке тартылу;
- Футбол;
- ОЗК – жалпы әскери қорғаныш кешенін кию;
- АК-74 автоматының бөлшектелуі мен жиналуы;
- Шахмат жарысы;
- Ұлттық ойын «Тоғызқұмалақ»;
- Волейбол;
- Арқан тарту;
- Брусьяға тартылу.
Д.Серікбаев атындағы Шығыс Қазақстан техникалық университеті әскери кафедрасында өткен жазғы оқу жиындарында қарқынды спорттық бәсекеде жалпы есеп бойынша жеңімпаздар:
- «Бірінші» орын – 2-ші оқу ротасы (Зымыран-артиллериялық қару-жарақты пайдалану және жөндеу циклы);
- «Екінші» орын – 1-ші оқу ротасы (Сауытты танк қару-жарағы және техникасы циклы);
- «Үшінші» орын – 3-ші оқу ротасы (Мотоатқыштар бөлімшелерінің жауынгерлік қолдану циклы).
Барлық курсанттарды және оқу роталарын жазғы оқу жиындарының сәтті аяқталуымен құттықтаймыз және болашақ бастамаларыңызға сәттілік тілейміз!
