Жаңа оқу жылының басталуына бірнеше күн қалды. Қазіргі эпидемиологиялық жағдайға байланысты елімізде оқу орындарының барлығы жұмысын қашықтан бастайтыны мәлім. Сол себепті, студенттер арсында әсіресе бірінші курс студенттерінде оқу процесіне қатысты көптеген сұрақтар туындап жатыр.
Бүгін университеттің instagram парақшасына күнделікті келетін сұрақтар топтастырылып, оларға жауап берілді. Тікелей эфирге кеңейтілген құрам, атап айтсақ, оқу және әдістемелік жұмыс бойынша проректор Жадыра Қоңырбаева, мектеп декандары, колледж директоры қатысты.
Эфир барысында қойылған сұрақтар сан-алуан болды. Тіпті, қанша дәптер сатып алу керек? Күзгі сессия бағалары автоматты түрде қойыла ма? деген сауалдар жазылды. Бірінші курс студенттерінің басым бөлігін топ жетекшілері Whatsapp мессенджеріндегі чаттарға қашан қосатыны мазалады.
Тікелей эфир жазбасы сақталды. Кез-келген уақытта фоловерлер парақшаға кіріп, видеоны көре алады.
