Наурыз мерекесіне орай Д. Серікбаев атындағы ШҚТУ Бизнес мектебінің «Қазақстан тарихы және әлеуметтік-саяси пәндер» кафедрасындағы «Алтын-Бесік-Мұзтау» клуб мүшелері, 22-ЗКК-1 тобының студенттері «Шығыс Қазақстан облыстық сәулет-этнографиялық және табиғи-ландшафтық мұражайына» қазақ және өзге де этнографиялық бөлімдеріне саяхат жасады.

Шара барысында студенттердің қатысуымен қазақтың ұлттық ойындары туралы, салт-дәстүрі мен әдет-ғұрыптары туралы көріністер қойылды. «Әз Наурыз» мерекесіне байланысты негізгі түсініктер, салт-дәстүрлер, ұлттық ойындар туралы мағлұматтармен танысты. Сонымен қатар студенттер қазақтың ұлттық «білек сынасу», «орамал тарту» сияқты ойындарын ойнап, жүргізушілердің салт-дәстүр бойынша қойылған қызықты сұрақтарына жауап берді.

Ұйымдастырылған шара студенттерге бейресми білім беру бойынша өте тиімді әдіс болып табылады.