Д. Серікбаев атындағы ШҚТУ-дың әлеуметтік-тәрбие жұмысы және азаматтық даму басқармасының қызметкерлері 1 курс студенттердіне фильм көрсетілімін ұйымдастырды. Университеттің аудиторияларының бірінде студенттер бас қосып «Зеленая книга» фильмін тамашалап, кейін бір кесе шаймен қызықты отырыста оны талқылап өз ойларымен бөлісті.

Картинаның сюжеті 1962 жылы болған нақты оқиғаға негізделген. Итальяндық-американдық Тони атты ер адам әйгілі африкалық-американдық джаз пианисті Дон Ширлиге жүргізуші болып жұмысқа тұрады. Тони музыкантпен бірге АҚШ-тың оңтүстігіндегі провинциялық турда африкалық-американдықтар үшін қауіпсіз барлық жерлерді сипаттайтын "Жасыл кітапты" қолданады. Тони мен Донның бірлескен саяхаты кейіпкерлердің көзқарастарын өзгертеді.

Бұл шара студенттерді бос уақытында мәдени іс-шараларды ұйымдастыру, көркемдік талғамға баулу мақсатында ұйымдастырылады. Мұндай форматтағы іс-шаралар болашақта жиі өткізілетін болады. Ол үшін университеттің материалдық-техникалық базасының мүмкіндігі бар.