Қазіргі уақытта барлық алаңдарда жастармен жемқорлық мәселесін талқылау - сыбайлас жемқорлыққа қарсы мәдениетті қалыптастырудың бірден-бір тәсілі. Осы орайда, Д. Серікбаев атындағы ШҚТУ-да ерекше TEDx форматындағы кездесу - сыбайлас жемқорлыққа қарсы іс-қимылда түрлі мәселелер мен тың идеялар қамтылатын іс-шара өтті.
Кездесудің мақсаты өз еліне адал және парасатты қызмет ету, жастардың дамуына жәрдемдесу, сондай-ақ жастар арасында сыбайлас жемқорлыққа қарсы мәдениетті ілгерілету болып табылады. ТЕД х қонағы - де өз саласында белгілі бір жетістіктерді бағындырып, жауапты қызмет атқарып жүрген Д. Серікбаев атындағы ШҚТУ түлегі, "Байтақ" жасылдар партиясы, ШҚО филиалының атқарушы хатшысы, "Халық алғысы" мемлекеттік наградасының иегері Джакишев Алмаз Әжібекұлы.
Кездесу барысында сыбайлас жемқорлыққа оның ішінде тұрмыстық жемқорлықты жою, сыбайлас жемқорлықтың алдын алу, бойынша сөз қозғалды. Қатысушылар спикерге көкейкесті сауалдарын қойып, шара сұрақ-жауап форматындағы еркін сұхбат түрінде жалғасты. Бірінші курс студенті Зақанова Аяна «Бүгінгі ТЕДХ форматындағы кездесудің қонағы - Алмаз Әжібекұлына айтар алғысымыз ерекше. Тәжірибесімен бөлісіп, бізге ерекше шабыт, энергия берді десем болады. Мұндай кездесулер жастардың өмірде өздерін табуға , адал, парасатты мамандық иесі болуға үлкен септігін тигізеді деп сенемін»,- деп студенттер атынан ризашылығын білдірді.
ТЕДХ форматындағы кездесулер алдағы уақытта да жалғасады. Өйткені олар жастарды өмірде алға қойған мақсаттарына жетуге ынталандырады.
