«The Palette of East Kazakhstan». Осындай атаумен Д.Серікбаев атындағы техникалық университеті эссе конкурсын өткізді. 50 жуық студент Шығыс Қазақстанның палитрасын сөзбен суреттеп, әдеби тілде жеткізуге тырысты. Олар аймақтың беделді оқу орындары, атап айтсақ, Д.Серікбаев атындағы ШҚТУ, С.Аманжолов атындағы ШҚМУ және Қазақстан Американдық еркін университетінің студенттері.

Қатысушылар 5 номинация бойынша бақтарын сынады. Қазылар алқасы коммуникативтік тапсырманы шешу, мәтінді ұйымдастыру, орфография және пунктуация сынды бағалау критерийлеріне назар аударды.

Д.Серікбаев атындағы техникалық университеттің Шет тілдер кафедрасы ұйымдастырған сайыс нәтижесі бойынша «Эссе тақырыбын үздік ашу», «Авторлық ұстанымның айқын дәлелі», «Сөздік қорының молдылығы және оны қолдана білу», сонымен қатар «Грамматикалық конструкциялардың күрделілігі және дәлдігі» аталымдары бойынша біздің студенттер топ жарды. Эссе жазуда креативті тәсіл қолданғаны үшін Қазақстан Американдық еркін университетінің студенті Санатбекова М. өз шеберлігін көрсетіп, номинацияны жеңіп алды.

Липский Д., Шарипов А.М., Марат Ж., Тлеубеков Н., Карыпова А. студенттерімізді жеңістерімен құттықтаймыз. «The Palette of East Kazakhstan» атты эссе конкурсы «Рухани жаңғыру» бағдарламасы аясында ұйымдастырылғанын айта кеткен жөн.