Д. Серікбаев атындағы Шығыс Қазақстан техникалық университетінің ұжымы химия ғылымдарының кандидаты, қауымдастырылған профессор Саденова Маржан Ануарбекқызын республикалық «2024 жылғы үздік ғылым қызметкері» байқауындағы жеңісімен шын жүректен құттықтайды!
Биыл бұл марапатқа еліміз бойынша небәрі 50 ғалым ие болды. Әріптесіміздің осы құрметті тізімге енуі – оның ғылым мен білім беру саласына қосқан зор үлесінің айқын дәлелі.
Маржан Ануарбекқызы – өз ісінің нағыз маманы. «Үздік ғылым қызметкері» марапаты тек жетістіктерді мойындау ғана емес, сонымен бірге отандық ғылымның дамуына одан әрі үлес қосуға шабыт береді. Маржан Саденованың бұл жеңісі баршамызды жаңа биіктерге ұмтылуға ынталандырып, ШҚТУ-ды Қазақстанның жетекші ғылыми-білім беру орталығы ретінде нығайта түседі.
Біз талантты ғалымдарымызды мақтан тұтамыз және Маржан Ануарбекқызына жаңа жетістіктер, таусылмас жігер және ғылыми идеяларының сәтті жүзеге асуын тілейміз!
