Д. Серікбаев атындағы Шығыс Қазақстан техникалық университетінде 16-наурызда Жоғары және жоғары оқу орнынан кейінгі білім комитеті Зерделі ақыл-ой дамыту мектебімен бірлесіп, «Алтын түлек» математика пәнінен республикалық олимпиадасын өткізді.

Олимпиада қатысушыларына университеттің жан-жақты тыныс-тіршілігімен таныстырып, белсенді студенттер кәсіби бағдар жұмысын жүргізді. Олимпиада нәтижесі бойынша 3 оқушы ШҚТУ грантының иегері атанды.

Осыған орай университет атынан жеңімпаздарға грант бөліп, қолдау көрсеткен ректор Сауле Жадігерқызы Рахметуллинаға Зерделі ақыл-ой дамыту мектебі үлкен алғыс білдіреді.