Ағымдағы жылддың 29 наурызында Алматыда Әл-Фараби атындағы Қазақ ұлттық университеті қабырғасында  «Менеджмент» мамандығы бойынша «Инновациялық идея - табысқа жол» тақырыбында X Республикалық студенттік олимпиада өткізілді.

Олимпиаданың бірінші іріктеу кезеңінің қорытындысы бойынша өтініш білдірген 19 команданың ішінен екінші айналымға 7 команда өтті: Астанадан 1 команда,  Шымкент қаласынан 1 команда, Қарағанды қаласынан 1 команда, Алматы қаласынан 3 команда және Д.Серікбаев ат. ШҚМТУ атынан «Форсаж» командасы.

5В050700 «Менеджмент» мамандығының Бизнес және кәсіпкерлік мектебі студенттері жыл сайын олимпиадаларға қатысады. Олар мамандықтары бойынша білімдерін тереңдетіп, командалық жұмыс істеуде, Қазақстанның басқа жоғары оқу орындарының студенттерімен қарым-қатынас және ынтымақтастық жасасу аясында тәжірибе жинақтайды, осылайша, Д.Серікбаев ат. ШҚМТУ-дың имиджін арттыруға ықпал етеді.

Олимпиада қорытындысына сәйкес, «Инновация менеджменті» кафедрасының меңгерушісі М.Рахимбердинова және доцент А.Закимова жетекшілік еткен Бизнес және кәсіпкерлік мектебі студенттері Р.Асаинова, Ә.Ертайқызы, Е.Болат,  А.Алтаева,  О.Кайдаровадан  құралған «Форсаж» командасы жүлделі ІІІ орынға ие болды.