Дәулет Серікбаев атындағы Шығыс Қазақстан техникалық университетінде "Металлургия" және "Пайдалы қазбаларды байыту" бағыттары бойынша курстық жұмыстар байқауы өтті.
Байқауға 6В07201 "Металлургия" және 6В07202 "Пайдалы қазбаларды байыту" білім беру бағдарламаларының 3 және 4 курс студенттері қатысты.
Конкурс студенттер арасында ғылыми-зерттеу және жобалау қызметін дамытуға ықпал етеді. Бұл білім алушыларға өздерінің шығармашылық әлеуетін іске асыруға және болашақта олардың кейінгі мансабында пайдалы болуы мүмкін тәжірибе алуға мүмкіндік береді. Іс-шараның негізгі мақсаты студенттердің шығармашылық әлеуетін ынталандыру, олардың ғылыми-зерттеу және жобалау дағдыларын дамыту, сондай-ақ олардың кәсіби өсуіне ықпал ету болды.
Курстық жұмыстар келесі критерийлер бойынша бағаланды: өзектілігі, теориялық және практикалық маңыздылығы, мәтіннің өзіндік ерекшелігі, тақырыптың даму дәрежесі, жұмыс тақырыбы бойынша ғылыми дереккөздерді қолданудың толықтығы.
Байқау қорытындысы бойынша жеңімпаздар анықталды: 3 дәрежелі дипломды Диляра Қажыкенова; 2 дәрежелі дипломды Айғаным Жағалбаева және 1 дәрежелі дипломды Олжас Карлов алды.
