Д. Серікбаев атындағы ШҚТУ-дың "Лу Бань шеберханасында" "Көліктегі және көлік техникасындағы жаңа технологиялар" атты мастер-классы өтті.
Шеберлік сабағына Exeed Oskemen, Haval Oskemen, Changan Ustkamenogorsk, Tank Oskemen, Chevrolet Doscar, Chery Oskemen, Hyundai Oskemen, Тойота орталығы Шығыс, Geely Oskemen және "Лу Бань шеберханасы" өнеркәсіптік кәсіпорындарының өкілдері қатысты.
Мастер-класста жаңа буын литий-ионды аккумуляторларға арналған жаңа анодтардың дамуына қатысты маңызды мәселелер талқыланды. Бұл анодтар ультра жоғары сыйымдылықты қамтамасыз етеді және тіпті төмен температура жағдайында да электромобильдерді пайдалануға мүмкіндік береді. Сондай-ақ, "Engineering management" бағыты бойынша орта және жоғары буын менеджерлеріне арналған МВА бағдарламасы ұсынылды, сондай-ақ көлік және логистика саласындағы ТОП-5 технология қаралды.
Мастер-класс компаниялардың өкілдері мен көлік техникасы саласындағы мамандар арасында тәжірибе мен білім алмасу үшін маңызды іс-шараға айналды.
