Академик Шахмардан Есенов атындағы Ғылыми-білім беру қорының (Shakhmardan Yessenov Foundation) өкілдері Дәулет Серікбаев атындағы ШҚТУ-ға сапармен барды. Қор – бұл бағдарламаларының жеңімпаздарына, Қазақстан Республикасының азаматтарына бәсекеге қабілетті білім алу және біліктілігін арттыру үшін, оның ішінде шетелде гранттар беретін қайырымдылық коммерциялық емес ұйым. Бұл ұйым бакалавриат, магистратура, резидентура, интернатура студенттерін және жұмыс істейтін жас мамандарды қолдайды білімін жалғастырғысы келетіндер (PhD, магистратура, тағылымдамалар, тренингтер, мектептер, курстар және т.б.) және елдегі ғылымды дамытуға ынталы және белсенді қатысқысы келетіндерге арналған.
ШҚТУ-ға Қордың бағдарлама менеджері Сұлтан Әйгерім мен операциялық директор Грищенко Ирина келді. Олар университеттің оқу және білім беру бағдарламаларымен, зертханалармен және құзыреттілік орталықтарымен танысып, студенттер мен жас ғалымдармен кездесті.
- Біздің ұйым білім беруді жалғастыру, біліктілік пен бәсекеге қабілеттілікті арттыру үшін студенттер мен жас мамандарға көмек көрсету мақсатында құрылды. Қор қазақ теоретигі және практигі, геолог, ғылымды ұйымдастырушы, Қазақстанның қоғам және мемлекет қайраткері Шахмардан Есеновтің есімімен аталады. Оның ісін жалғастыра отырып, Қор Қазақстанның зияткерлік әлеуетін дамытуды өзінің миссиясы деп анықтады, - дейді Ирина Грищенко.
Айта кетейік, ШҚТУ-да Қордың бағдарламалары бойынша өткендер бар: аға оқытушы, PhD Құсайын - Мұрат Әсел, сонымен қатар студенттер - Елистратов Иван және Бейсекенов Наиль. Тағы бір студент - Брим Анна қазір өтініш беріп, алдын-ала кезеңнен өтті.
