Қаңтар айының 27-28 күндері Дәулет Серікбаев атындағы техникалық университетінде қаншама жылдан бері дәстүрге айналған "EKTU CUP 2024" республикалық пікірсайысы өтті. Аталған шарада Қазақстанның түкпір-түкпірінен келген үздік студенттер бағын сынады. Атап айтсақ: Павлодар, Петропавл, Семей, Қарағанды, Өскемен қалаларынан келді. Одан бөлек Семейден қазақ-түрік лицейі мен Өскеменнің физика-математикалық лицейі қатысты.
Британдық парламенттік финалда бас жүлде мен 150 000 теңгені Семей қаласы иеленді. Үздік спикер атағын Семей қаласынан келген Өмірбаев Райымбек алса, үздік төрешіні Өскемендік Тулегенов Диас алды.
Сонымен қатар, Республикалық пікірсайысшылар арасында футболдан жарыс өтті. Жас айырмашылығына қарамастан Өскемендік физика-математикалық лицейі 1-ші орынды иеленді.
Ұйымдастырушылар "EKTU CUP 2024" пікірсайысына басты демеуші болған "Казцинк" компаниясы мен "SDI Alumni", ШҚТУ ұжымына алғыстарын білдірді.
