Бүгін Басқарма төрағасы - Д.Серікбаев атындағы Шығыс Қазақстан техникалық университетінің ректоры Рахметуллина Сәуле Жәдігерқызының қатысуымен ректораттың кезекті отырысы өтті.
Кездесу барысында салалық қауымдастықтар мен кәсіпорындардың тапсырысы бойынша әзірленген жаңа инновациялық білім беру бағдарламалары, сондай-ақ ғылыми-инновациялық инфрақұрылымды дамыту тақырыптары талқыланды. Қазақстандық жоғары оқу орындары қатысқан THE (The Times Higher Education) 2024 рейтингінің нәтижелері ұсынылды.
Өз кезегінде, ректорат инновациялық білім беру бағдарламаларының базасына АИ және блокчейнді енгізу мәселелерін қарастырды.
Ғылыми-инновациялық инфрақұрылымды дамыту туралы баяндамасында басқарма мүшесі - ғылым және инновациялар жөніндегі проректор Ж. Т. Қоңырбаева ашық ғылым кеңсесін, HORIZON тақырыптық үйлестірушісінің Кеңсесін құру, консалтинг бойынша контент әзірлеу және ғылыми әлеуетті арттыру, сондай-ақ ғылыми орталықтардың инфрақұрылымын дамыту туралы ережені әзірлеу қажеттігін атап өтті. Сондай-ақ, ЦКТТ және ғылым мен технологияның басым бағыттары бойынша орталықтарды дамыту тұжырымдамасы мен стратегиясы, сондай-ақ Бірыңғай цифрлық орта мен басқарудың ақпараттық-талдамалық жүйесін құруды қоса алғанда, ғылымды басқарудың цифрлық трансформациясы талқыланды.
Ректорат қатысушылары сұрақтар қойып, жан-жақты жауаптар алды, сондай-ақ университетті дамыту және алға жылжыту бойынша өз ұсыныстарымен бөлісті.
