Бүгін білім беру грантына өтінімдерді қабылдау науқаны басталды. Д. Серікбаев атындағы ШҚТУ білім беру бағдарламаларына түскен алғашқы талапкерге сыйлықтар табыстады.
Біздің университетке өз құжаттарын тапсырған алғашқы талапкерлер Турысбеков Ануар Тоқтарұлы және Полупан Никита Дмитриевич.
Құжаттарыңызды Ұлттық тестілеу орталығының www.testcenter.kz сілтемесі арқылы өткізуге мүмкіндік бар немесе Серікбаев көшесі, 19 мекен-жайы бойынша келіп тапсыруыңызға болады. Бірінші қабаттағы университет холлында оқуға түсушілер мен олардың ата-аналарына кеңес алу және өз-өзіне қызмет көрсету аймағы ұйымдастырылған.
Университетте электронды цифрлы қолтаңба алуға, өтініш беруге, оқуға түсетіндердің құжаттарын өңдеуге арналған компьютерлік орындықпен қамтамасыз етілген. Өз-өзіне қызмет көрсету аумағы жұмыс істейді.
Естеріңіге сала кетейік, биыл білім беру гранттарын тағайындау конкурсына қатысу үшін құжаттарды қабылдау 20 шілдеге дейін жалғасады.
Сәттілік тілейміз!
