Біздін университет халықаралық білім беру кеңістігіндегі өз орнын нығайтып, академиялық ұтқырлық бағытындағы жұмыстарын жалғастыруда. Жаңа оқу жылының басталуымен университетке «Орхун» халықаралық академиялық ұтқырлық бағдарламасы аясында Қырғыз Республикасы мен Әзербайжан Республикасынан студенттер келді.
Шетелдік студенттер Д. Серікбаев атындағы Шығыс Қазақстан техникалық университетінде бір семестр бойы білім алып, өздерінің кәсіби бағыттары бойынша оқу пәндерін меңгереді. Сонымен қатар олар университеттің ғылыми-білім беру жобаларына, мәдени және қоғамдық іс-шараларына қатысып, қазақстандық студенттермен бірге академиялық ортада тәжірибе алмасады.
Академиялық ұтқырлық – студенттердің басқа елде білім алып, жаңа білім беру жүйесімен танысуына, кәсіби құзыреттерін жетілдіруіне және халықаралық тәжірибе жинақтауына мүмкіндік беретін маңызды бағыттардың бірі. Мұндай бағдарламалар жастардың жаңа ортаға бейімделуіне, түрлі мәдениеттермен танысуына және халықаралық байланыстарын кеңейтуіне жол ашады.
Д. Серікбаев атындағы Шығыс Қазақстан техникалық университеті үшін халықаралық студенттерді қабылдау – университеттің халықаралық ынтымақтастықты дамытуға және білім беру сапасын арттыруға бағытталған жұмысының маңызды бөлігі.
Бүгінде университет заманауи білім беру инфрақұрылымы, білікті профессор-оқытушылар құрамы және халықаралық серіктестік байланыстары арқылы студенттерге сапалы білім алуға кең мүмкіндік ұсынып келеді. Университетте қалыптасқан ашық академиялық орта әртүрлі елдерден келген жастардың өзара тәжірибе алмасуына және жаңа идеялардың қалыптасуына ықпал етеді.
Шетелдік студенттердің Д. Серікбаев атындағы Шығыс Қазақстан техникалық университетінде білім алуы университеттің халықаралық деңгейдегі танымалдығын арттырып қана қоймай, қазақстандық студенттер үшін де жаңа мүмкіндіктер қалыптастырады. Бірге оқу және түрлі жобаларға қатысу арқылы жастар мәдениетаралық коммуникация дағдыларын дамытып, халықаралық ортада жұмыс істеу тәжірибесін меңгереді.
«Орхун» бағдарламасы түркі мемлекеттері арасындағы білім беру және мәдени байланыстарды нығайтуға, жастар арасында тәжірибе алмасуды дамытуға және ортақ академиялық кеңістікті қалыптастыруға бағытталған.
Д. Серікбаев атындағы Шығыс Қазақстан техникалық университеті шетелдік студенттерді қуана қарсы алып, оларға жаңа академиялық ортада өз білімдерін толықтыруға және Шығыс Қазақстанның тарихы мен мәдениетімен танысуға мүмкіндік береді.
Д. Серікбаев атындағы Шығыс Қазақстан техникалық университетіне қош келдіңіздер! Жаңабілім, жарқынәсерлерменсәттіакадемиялықсеместртілейміз!
