Enactus Kazakhstan Road Show – кәсіпкерлік және әлеуметтік жауапкершілік арқылы әлемді өзгертуді көздейді. Іс-шара студенттер, мен оқушыларға бұл міндетті орындау барысын түсіндірмек.
Биылғы Д.Серікбаев атындағы ШҚТУ-дың 65 жылдық тарихында, айтулы шара алғаш рет ұйымдастырылды. 1958 жылы іргетасы қаланған жоғары оқу орны, студенттерді әр түрлі бағытта дамытуды және қолдауды тоқтатқан емес. Ендеше, игілік бастауында тұрған Enactus Kazakhstan Road Show білім алушыларға жаңа серпін, тың идеялар дарытуға тиіс.
Алты Алаштың басын қосқан шарада елдің түкпір-түкпірінен келген табысты кәсіпкерлермен кездесу өтті. Enactus Kazakhstan-ның Вице-президенті Адлет Даутов – бизнес бастаудың тура жолы туралы айтып өтсе, Enactus Kazakhstan Стратегиялық даму жөніндегі кеңесшісі Randall Brunis қатысушыларға жылы лебізін білдіріп, сәттілік тіледі. «Бұлақ көрсең, көзін аш» деген ниетпен спикерлер өскелең ұрпаққа, болашақ кәсіпкерлермен өз тәжірибелерін бөлісті.
Enactus Kazakhstan Road Show-ға: С.Аманжолов атындағы ШҚУ, Халықаралық ақпараттық технологиялар университеті, Семей қаласынан Шәкәрім университеті, «Тұран» университеті, «Toraighyrov university», Ә.Марғұлан атындағы Павлодар педагогикалық-университеті, Ә.Бөкейханов атындағы университеті студенттері мен Өскемен қаласының №24, №17, №44 лицей-мектебі, №28 IT-лицейінің оқушылары қатысты.
Әр университет сапалы әрі құнды жобаларын қорғап, маңыздылығын атап өтті.
ШҚО ENACTUS командалары 10 жылдан бері кәсіпкерлік, әлеуметтік жауапкершілік арқылы қоғам өмірін жақсартуға күш салып келеді. Аталған мерзімде көптеген жобалар ойластырылып, жүзеге асырылды. Enactus Kazakhstan Road Show бұл игілікті істерді арттырып, ел көлемінде өнеге әкелетініне сенім білдіреміз.
