Бүгін Д. Серікбаев атындағы ШҚТУ-да Басқарма Төрағасы – ШҚТУ ректоры Рахметуллина Сәуле Жәдігерқызының төрағалығымен қорытынды Ғылыми кеңес өтті. Дәстүр бойынша, ол бір жыл ішінде атқарылған жұмыстарды қортындылауға арналды. Биыл университетте көптеген бағдарламалар мен жобалар іске асырылды: "Лу Бань шеберханасын" ашу, Өскемен ЖЭО базасында филиал ашу, "Тұрақты даму мақсаттарын іске асыру контекстінде инженерлік білім берудің ұлттық моделін құру" жобасы, Бранденбург техникалық университетімен екі дипломдық бағдарлама, "Күміс университет" жобасы, оқу процесіне курстарды енгізу Coursera халықаралық платформасынан, ASIIN және IAAR халықаралық агенттігінде ББ аккредиттеу. Дәстүрлі түрде университет түлектерінің арасында жұмысқа орналасу өз жоғарғы деңгейін (96%) сақтап қалды.
Ғылыми кеңес мүшелері болашақ жоспарларын талқылады: "Д. Серікбаев атындағы ШҚТУ" КЕАҚ стратегиялық даму бағдарламасы. 2023 – 2029 жылдарға арналған стратегиялық даму бағдарламасын іске асыру жөніндегі 2024 жылға іс-шаралар жоспарын Басқарма Төрағасы – ШҚТУ ректоры Рахметуллина Сәуле Жәдігерқызы ұсынды; Академиялық артықшылық стратегиясын Басқарма мүшесі – бірінші проректор Сапарходжаев Нұрбек Пажарбекұлы ұсынды; Ғылыми-технологиялық серпіліс стратегиясын Басқарма мүшесі – ғылым және инновациялар жөніндегі проректор Қоңырбаева Жадыра Түсіпқановна ұсынды.
Академиялық қызмет жөніндегі басқарманың бастығы Машекенова Әсия Хасенқызы бакалавриат және магистратура аттестаттау комиссияларының төрағалары мен құрамын бекіту туралы; магистратура мен докторантураның 2024 жылға арналған академиялық күнтізбесі мен оқу процесінің кестесін бекіту туралы (2024 жылғы қаңтардан бастап оқуға түскендер үшін); магистратура мен докторантураның 2024 оқу жылына арналған оқу жұмыс жоспарларын бекіту туралы (2023, 2024 жылдың қаңтарынан бастап оқуға түскендер үшін) баяндады.
Сондай-ақ, ғылыми кеңесте біздің қызметкерлер мен студенттерді құттықтап, оларға Д. Серікбаев атындағы ШҚТУ мен Шығыс Қазақстан облысы әкімдігі атынан алғыс хаттар мен марапаттар табыстады.
