Д. Серікбаев атындағы ШҚТУ кезекті Басқарма отырысы өтті. Жиынға проректорлар, декандар, құрылымдық бөлімшелердің, зертханалардың және университеттің құзырет орталықтарының басшылары қатысты.
Күн тәртібінде университеттің ағымдағы жұмысы, стратегиялық даму және ішкі процестерді жетілдіру мәселелері талқыланды.
Канцелярия басшысы Гүлжанат Шәріпханова электронды құжат айналымы жүйелерінің (Directum, Documentolog, eOtinish) жұмысына арналған жан-жақты талдау жасап, құжаттарды өңдеу және сақтау бойынша мәселелерді айқындады. Ол құжат айналымының тиімділігін арттыруға арналған нақты шараларды ұсынды. Негізгі міндеттердің бірі ретінде қызметкерлер мен студенттердің өтініштерін өңдеу жылдамдығын арттыру және бөлімшелер арасындағы өзара әрекеттестікті жақсарту үшін қолданыстағы жүйелерді жетілдіру қажеттілігі аталды.
Даму стратегиясы және сапаны қамтамасыз ету басқармасының басшысы Дарья Аноп QS халықаралық жүйесіне академиялық сарапшылар мен жұмыс беруші сарапшыларды тіркеу үдерісі туралы баяндады. Ол сарапшыларды іріктеу критерийлері, олардың кәсіби жетістіктері және университеттің халықаралық аренадағы беделін арттырудағы рөліне ерекше назар аударды. Сонымен қатар, QS бастамаларына қатысу ШҚТУ-дың беделін нығайтып, сарапшыларды тіркеу бұл процестегі маңызды кезең екендігі атап өтілді.
Қабылдау комиссиясының жауапты хатшысы Әсел Дәуілбаева бакалавриат бағдарламаларына студенттерді қабылдау бойынша есеп ұсынды. Ол қабылдау жоспарының орындалу қарқынын атап өтіп, сұранысқа ие білім беру бағдарламаларына назар аударды. Әсіресе, талапкерлерді тарту үшін ақпараттық науқандар мен кәсіби бағдар беру іс-шараларын өткізу шаралары талқыланды, бұл университеттің білім беру нарығындағы бәсекеге қабілеттілігін арттыруға ықпал етеді.
Ғылыми-зерттеу қызметі департаментінің директоры Гүлжаз Уәзірханова докторантура бағдарламаларын ілгерілету бойынша есеп ұсынды. Есепте жоғары білікті үміткерлерді тарту мәселелеріне байланысты негізгі қиындықтар мен оларды шешу жолдары, оның ішінде гранттар мен бірлескен зерттеу жобалары арқылы ынталандыру шаралары қарастырылды.
Қабылданған ұсынымдар ШҚТУ-дың жоғары сапа стандарттарына сәйкестігі мен аймақтағы жетекші білім және ғылым орталығы ретіндегі мәртебесін нығайтуға деген ұмтылысын тағы бір мәрте айқындады.
