Д.Серікбаева атындағы ШҚТУ Shakhmardan Yessenov Foundation (Ш.Есенов атындағы қор) ұйымдастырған ағылшын тілі бағдарламасының конкурсында жеңіске жетіп, 2024 және 2025 жылдары осы бағдарламаны жүзеге асыруға грант алды.
Байқауға облыстың 11 жоғары оқу орны қатысып, оның 3-уі финалға шықты. Грант беру туралы шешімді Сараптамалық кеңес қабылдап, қор басшылығы бекітті.
Жобаның мақсаты - Қазақстан Республикасының жоғары оқу орталықтарының бәсекеге қабілеттілігін арттыру арқылы университет студенттері мен оқытушыларына ағылшын тілін оқыту.
Ағылшын тілі бағдарламасын жүзеге асыру үшін қор жыл сайын 160 грант бөледі. Студенттер, магистранттар, докторанттар, оқытушылар мен университет қызметкерлері 2024 жылдың қазанынан 2025 жылдың мамырына дейін Ұлыбританияның жетекші «Bonas MacFarlane Education» тіл орталығынан онлайн курстар форматында «Жалпы ағылшын тілі» және «Арнайы курстарға арналған ағылшын тілі» пәндерін оқу мүмкіндігіне ие.
Бағдарлама соңында сабаққа қатысуы бойынша және тестілеудегі үлгерімі ең жақсы балл жинаған 25 қатысушы Шахмардан Есенов атындағы қор есебінен IELTS тестін тапсыру мүмкіндігіне ие болады.
2024 жылдың 24 сәуірінде Шахмардан Есенов атындағы Қордың өкілдері университеттің оқу жұмысымен, білім беру бағдарламаларымен, зертханалармен және құзырет орталықтарымен танысу үшін, студенттермен, жас ғалымдармен және оқытушылармен кездесу мақсатында университетке келді.
