Бүгін Д. Серікбаев атындағы Шығыс Қазақстан техникалық университеті TVI Президенті Wu Zongbao бастаған Tianjin Vocational Institute (TVI) делегациясын қабылдады. Онымен бірге халықаралық байланыстар департаменті директорының орынбасары Meng Zheng, IT факультетінің деканы Li Guohui және Тяньцзинь қаласының білім беру жөніндегі Муниципалдық комиссиясының кәсіптік білім департаментінің директоры Li Li келді.
Қытай делегациясының сапары аясында ШҚТУ мен TVI арасындағы ынтымақтастық жолында атқарылатын бірнеше бағыттар талқыланды:
- Көлік саласындағы ғылыми зерттеулер: көлік саласында инновациялық технологияларды әзірлеу мен енгізуде бірлескен жобалар мен тәжірибе алмасу мүмкіндіктері талқыланды.
- Оқытушылар мен студенттермен алмасу: екі ұйымның студенттері мен оқытушыларына халықаралық ынтымақтастық арқылы білімдері мен тәжірибелерін байытуға мүмкіндік беретін алмасу бағдарламаларын құру жоспарлануда.
- Академиялық ынтымақтастық: бірлескен оқу бағдарламалары мен курстарын әзірлеуді, сондай-ақ білім беру біліктілігін өзара тануды қамтиды.
- Халықаралық конференциялар: түрлі ғылыми салаларда білім мен жетістіктермен алмасуға бағытталған бірлескен халықаралық конференциялар мен семинарлар ұйымдастыру және өткізу жоспарлануда.
TVI делегациясының сапары ШҚТУ үшін маңызды оқиға болды және халықаралық ынтымақтастық пен даму үшін жаңа көкжиектер ашты.
