Бүгін ШҚТУ-ға Қазақстан Республикасы Парламенті Сенатының Шығыс Қазақстан облысынан келген депутаттары Бұқтығұтов Шәкәрім Сабырұлы мен Булавкина Ольга Александровна, сондай-ақ Шығыс Қазақстан облыстық мәслихатының төрағасы Рыпаков Денис Сергеевич келді.
Д. Серікбаев атындағы ШҚТУ ректоры Рахметуллина Сәуле Жадыгерқызы қонақтарға экскурсия өткізіп, оқытудың заманауи технологиялары мен әдістемелері оқу процесіне қалай енгізіліп, жоғары білікті мамандарды даярлауға ықпал ететіндігі туралы айтып берді.
- Қонақтарымызға университетіміздің жұмысына қызығушылық танытып, білім мен ғылымды дамытуға қолдау көрсеткені үшін алғысымды білдіремін. Бірлескен күш-жігермен одан да үлкен биіктерге жетіп, еліміздің өркендеуіне елеулі үлес қоса алатынымызға сенімдіміз, - деп атап өтті Сәуле Рахметуллина.
