Бүгін Д. Серікбаев атындағы ШҚТУ қызметкерлері мен студенттері, сондай-ақ ШҚТУ жоғары IT колледжінің қызметкерлері мен студенттері Қазақстан Президенті Қасым-Жомарт Тоқаев бастамашылық еткен «Таза Қазақстан» акциясы аясында сенбілікке қатысты. Бұл маңызды іс-шара еліміздегі экологиялық жағдайды жақсартуға және қоршаған ортаны таза ұстауға бағытталған.
Қатысушылар бірге қоқыстарды жинап, арамшөптерді жұлып, қала аумағын тазартты. Сондай-ақ, түрлі-түсті гүлдер отырғызып, гүлзарларды көркейтіп, ағаштарға күтім жасады.
«Таза Қазақстан» акциясы - бұл жай сенбілік емес, тазалық пен тәртіпке, табиғат пен айналамыздағы әлемге қамқорлық жасау.
Туған жердің тазалығы әр адамның парызы болса, «Таза Қазақстан» акциясы соның алғышартын қалыптастыратын дәстүрге айналмақ.
