Біздің университет экологияландыру жолымен жүріп жатыр. ЖОО-да көміртегі ізін азайтуға ықпал ететін жаңа цифрлық жүйелер, smart - технологиялар, ресурс және энергия үнемдеу, көгалдандыру жүйелері енгізілуде. Бұл жұмыс UI Green Metric университеттерінің халықаралық жасыл рейтингісінде бағаланады.

Осы жылы 956 орын арасында ШҚТУ 123 орынға ие болды. Өткен жылмен салыстырғанда университет 29 позицияға көтеріліп, Қазақстан бойынша біріншілікті сақтап қалды. ТМД елдері арасында біз үшінші орындамыз. Алғашқы екі орында Ресей университеттері– РУДН-28, Сібір федералды университеті-73 орында тұр.

UI Green Metrics рейтингі Индонезия университетінің бастамасымен құрылды. Ол университет кампусының және қоршаған ортаның сапасын бағалайды. Рейтинг әр университеттің қоршаған орта және инфрақұрылым, энергия және климаттың өзгеруі, қалдықтар, су, көлік, білім беру және зерттеу сынды алты көрсеткішін ескереді.