Біздің университет тек ғылыми-зерттеу, білім беру жобаларын жүзеге асыруға емес, қоғамдық ұйымдармен де белсенді байланыс орнатуға көп көңіл бөледі. «Серпін» Ұлттық әлеуметтік даму Қоры» Қоғамдық қорымен байланыс аясында университет қауымдастығы «Parasat Ideas» Ұлттық сарапшылар платформасының жобасын жүзеге асыруда.

Жоба мақсаты: өңірлік сарапшылар қауымдастығын маңызды бағыттар бойынша дамытып, жетілдіру. Сенімді диалог құрып, пікір алмасып, әлеуметтік-экономикалық мәселелерге жеке қатысып, серіктестік құру.

Әріптестеріміз Асанғалиев Елібек Атрауұлы, Жанабаева Гүлнар Нұртасқызы, Гранецкий Владимир Николаевич, Закимова Альфия Манарбекқызы, Трофименко Светлана Александровна, Қайратов Жанат Қайратұлы, Ордабаев Сәкен Берікұлы бірнеше айдан бері еліміздегі жоғары оқу жүейсін дамыту сұрақтары бойынша сарапшылардың талқылауына қатысып келеді.

Дәл осындай кезекті сараптамалық отырыс 10 қараша күні университетіміздің базасында өтті. Студенттердің қатысуымен өткен жиында Альфия Манарбекқызы университетте қолданатын кәсіпкерлік ортаның экожүйесін таныстырса, бірқатар студенттер іс жүзінде қолданылып келе жатқан идеяларымен бөлісті.

Серіктестеріміз жобаға белсенді қатысқаны үшін ШҚТУ-ға алғыс білдіріп, мамандар жұмысын жоғары бағалады.