Ағымдағы жылдың 11 маусымында Wyoming университетінің (АҚШ) профессоры Dorly Piske университет оқытушыларымен кездесуі өтті. Кездесуді ұйымдастырушылары - Д.Серікбаев ат. ШҚМТУ-дың «Білім беру технологияларының сапасын бағалау және дамыту орталығының» аға ғылыми қызметкері М. Юсубалиева және «Қазақстан тарихы және әлеуметтік-саяси пәндер» кафедрасының доценті, техника ғылымдарының кандидаты, ағылшын тіліндегі «Soleil» студенттік клубының жетекшісі С. Уалиева.

Профессор Dorly Piske 2012 мен 2014 жылдары аралығында жазғы тіл мектебі аясында университетімізде сабақ берді. Университеттің көптеген оқытушылары оның қызықты сабақтарын әлі де еске алады.

Кездесу барысында университет оқытушылары арасында жоғарыда айтылған тәжірибені жалғастыру мәселесі төңірегіндегі ойлар ортаға салынды. Сондай-ақ қонағымыз Д.Серікбаев ат. ШҚМТУ ректоры м.а. Сауле Рахметуллинамен жолықты. Әңгімелесу барысында одан әрі ынтымақтастық жоспарлары талқыланды.