7 сәуір күні Д. Серікбаев атындағы ШҚТУ-да «Mister EKTU-2023» байқауы өтті.
Нағыз ер, тапқыр да, мықты азаматтар университет жеңімпазы атағы үшін бақ сынасты. Жастар ақтық мәреге бір жарым ай дайындалып, бұл кезеңде сегіз қырлы, бір сырлы қабілеттерін ашты.
ШҚТУ әртүрлі мектептерінен қатысқан 8 ер азамат кәсіби фотосессияға қатысып, «Invictus Go» фитнес клубында жаттықтырушылармен спорттық нормативтер орындады.
Финал бірнеше кезеңнен тұрды. Олар: бейневизитка, ұлттық костьюм байқауы, спорттық сайыстар, зияткерлік тур және тіпті ролл дайындаудан байқауда да бақ сынасты. ШҚТУ түлектері мен қызметкерлерінен құрылған әділ қазылар алқасы серілердің өнеріне баға берді.
Ұзақ талқылаудан соң «Mister EKTU - 2023» атағы ақпараттық технологиялар және зияткерлік жүйелер мектебінің студенті Кәкенов Диасқа берілді.
Барлық қатысушыларға, басты демеуші Казцинк компаниясына алғыс айтамыз!
