«Шабыт» фестивалі - өнер әлеміндегі маңызды оқиға және дарынды жастар үшін үлкен сахнаға жол ашатын бірегей алаң.
Конкурстың ерекшелігі сол - оған жатақханада тұратын студенттер қатысты. Жатақхана студенттерінің арасында өткен «EKTU ШАБЫТ» жастар шығармашылығы фестивалі күз мезгілінің ең маңызды мәдени шараларының біріне айналды. Дарынды жастарымызға өнерде қолдау білдірген жатақхана тәрбиешілерінің еңбегі ерекше. Студент үшін жаңа белес, жаңа жеңіс болған «Шабыт» байқауында жаңа таланттарға жол ашылды. Енді білім ордасындағы өнерпаз студенттер қатары жаңа әнші, әртістермен толықты. Ерекше эмоцияға толы іс-шара болды. 1,2,3 жатақхана студенттері әртүрлі жанр бойынша сайысқа түсті.
Мықтыларды анықтау әділқазыларға оңай болмады, себебі жастарымыз бірінен бірі өткен талант иелері екен. Жеңімпаздар бағалы сыйлықтармен марапатталды. Ең үздіктердің ең үздік "EKTU ШАБЫТ" өнер байқауы жыл сайынғы дәстүрге айналады деп сенеміз.
