Наурыз мерекесін жоғары ІТ колледжі "Наурыз — көктем мейрамы" ұранымен қарсы алды. Мерекеге білім алушылардың ата-аналары мен қонақтар шақырылды. Акт залында 1-2 курс білім алушылары мен колледжіміздің белсенділері А.Ковальчук, Е.Кузьмина, Н.Азимулда концерттік бағдарлама ұйымдастырып, "Қозы Көрпеш – Баян Сұлу" театрлық қойылымы сахналанды. Мерекеге коледжіміздің ұстазы Ш.И.Қасенова "Көзіңнің мөлдір-ай!" әнін тарту етті.

Мерекенің екінші бөлігі колледж қабырғасында өтті. Онда 1-2 курс студенттері, куратор және ата-аналарының басшылығымен құрылған "Абай", "Шәкәрім", "Темір Болат", "Жамбыл", "Аққайың", "Құнанбай", "Ақсуат", "Маркакөл", "Шеберлер", "Достық" ауылдарында Наурыз мейрамын тойлады. Әр ауыл халқымыздың дәстүрлерінің бір үлгісін көрсетіп, көрме ұйымдастырды. Сондай-ақ, Наурыз мейрамына сәйкес бай дастарханмен қарсы алды.

Ата-аналар мен қонақтар жаңа таныстар тауып, балаларын шығармашылық жағынан көріп дән риза болды.

Жоғары ІТ колледжінің ұжымы Д.Серікбаев атындағы ШҚТУ-дағы барлық әріптестерін құттықтайды. Наурыз мерекесі баршаңызға жақсылық пен молшылық алып келсін!