Д.Серікбаев атындағы Шығыс Қазақстан мемлекеттік техникалық университетінің ректоры Жасұлан Шаймарданов Ш.Есенов атындағы Каспий мемлекеттік технологиялар және инжиниринг университетінің делегациясымен кездесу өткізді. Іс-шара барысында қонақтарға университетіміздің қызметі туралы презентация ұсынылды. Сонымен қатар келушілерге арналып Д.Серікбаев атындағы ШҚМТУ-нің бас оқу ғимаратына, зертханаларына және ғылыми-өндірістік учаскелеріне экскурсия ұйымдастырылды. КМТжИУ делегациясына «Цифрлы университет» бағдарламасын таныстырылды. Кездесу соңында қос университеттің басшылары ынтымақтастық туралы меморандумға қол қойды.

Д.Серікбаев ат. ШҚМТУ Баспасөз қызметі