Күміс университеті-белсенді өмір
2023 жылдың сәуір айында Д.Серікбаев атындағы Шығыс Қазақстан техникалық университетінің қабырғасында алғашқы "Күміс университеті" жобасы басталды. Бұл жоба кәсіби ұзақ өмір сүру мен белсенді өмір тек арманға ғана емес, шындыққа айналатын жағдай жасауға тырысып, қарт адамдарға есігін айқара ашты.
Жобаның мақсаттары мен бағыттары: "Күміс университеттің" негізгі мақсаты зейнеткерлік жасқа толған адамдардың өмір сүру сапасы мен әлеуметтік белсенділігін жақсарту, белсенді және ұзақ өмір сүруге мүмкіндіктер жасау болды. Бұл жоба аясында, қызықты кітаптың беттеріндегідей, қатысушылар цифрлық сауаттылық пен тілдерді үйренуге, білімнің жаңа қырларын ашуға мүмкіндік алды. Сабақтар семинарлар, тренингтер және дәрістер түрінде өтті, бұл оқытуды жанды және қызықты процеске айналдырды.
Оқыту өмір бойы оқыту тұжырымдамасына, Қазақстан Республикасында жоғары білім мен ғылымды дамытудың 2023 – 2029 жылдарға арналған мемлекеттік бағдарламасына сәйкес мынадай бағдарламалар бойынша жүзеге асырылады "Тіл курстары (Ағылшын тілі, Қазақ тілі)", "Арт – терапия", "Цифрлық сауаттылық", "Құқықтық негіздер және қаржылық қауіпсіздік", "Сауықтыру (аға буынға арналған фитнес)".
Сабақтар оқу жылы ішінде, кестеге сәйкес аптасына 1-2 рет өткізіледі. Бір сабақтың ұзақтығы-1-2 академиялық сағат.
Қатысушылар мен жетістіктер: осы шабыттандыратын бастаманың алғашқы қатысушылары университет ардагерлері мен Өскемен қаласының қарт тұрғындары болды. "Күміс университеті" халықаралық қозғалыстың бір бөлігі ретінде аға буын өкілдерін оқытуға ғана емес, шабыттандыруға, олардың ішкі мүмкіндіктері мен қажеттіліктерін ашуға көмектесуге тырысады, осылайша олар қоғамға белсенді қатысып, өзін-өзі жүзеге асыра алады. "Күміс университетінің" тыңдаушысы 60 жастан асқан кез келген азамат бола алады. Кез-келген адам "Күміс университетте"ең ұнайтын курсты немесе бірнеше курсты таңдай алады.
2022-2023 оқу жылында 28 тыңдаушы "Ағылшын тілі" және "Цифрлық сауаттылық" бағдарламалары бойынша сертификаттар алып, оқуды сәтті аяқтады. Бұл жетістіктер олар үшін жай құжат емес, алда болатын жаңа мүмкіндіктер мен жаңалықтардың символына айналды.
