Оқытушылар құрамын біліктілікті арттыру курстарына жіберу ҚР ҚМ Білім департаменті бастығының жоспары негізінде жүргізіледі. Біліктілікті арттыру курстарына бірінші кезекте жоғары тұрған лауазымдарға аттестатталған офицерлер, сондай-ақ оқытушылық жұмыс тәжірибесі жоқ офицерлер жіберіледі. Офицер - оқытушылардың көпшілігі М.С. Нәрікбаев атындағы КАЗГЗ Университеті жанындағы Басқару, қауіпсіздік және арнайы бағдарламалар академиясында және "Әскери ғылымдар академиясы" республикалық қоғамдық бірлестігі жанындағы Қауіпсіздік және арнайы білім беру бағдарламалары институтында біліктілікті арттыру курстарында қайта даярлаудан өтті.

Жыл сайын 5-6 офицер-оқытушылар 72 сағат көлемінде "Әскери жоғары мектепте педагогикалық жұмысты ұйымдастыру" біліктілікті арттырудың қысқа мерзімді курстық бағдарламасын өтеді және біліктілікті арттыру туралы сертификат алады.