(ғылыми-педагогикалық бағыт, оқу мерзімі 2 жыл)

Білім беру бағдарламасы тобының нөмірі М104

1 – кешенді тестілеу пәні – Көлік техникасын техникалық пайдалану негіздері

2 - кешенді тестілеу пәні – Көлік техникасының энергетикалық қондырғылары

7М07107 "Көлік, көлік техникасы және технологиялары" білім беру бағдарламасы көлік техникасын жобалау, дайындау және пайдалану бойынша білімі мен іскерлігін, технологиялық процестерді жүзеге асырудың тәжірибелік дағдыларын және өндірісті басқаруды меңгерген тәжірибеге бағытталған маманды дайындауға арналған және: 

•  көлік техникасын жобалау, жасау және пайдалану саласындағы ғылыми танымның дамуындағы заманауи үрдістер туралы білім;
• кәсіби қызметте танымның ғылыми әдістерін қолдана білу;
• көлік техникасындағы техникалық жүйелердің тиімділігін бағалай білу;
• көлік техникасы саласындағы ғылыми зерттеулер контекстінде идеяларды қолдану және инновациялық даму үшін ғылыми-зерттеу жұмыстарының тиімділігі мен сапасын арттыру әдістері мен құралдарын білу;
• жобалық және зерттеу есептерін жүргізу кезінде процестер мен құбылыстарды талдаудың заманауи тұжырымдамаларын, теориялары мен тәсілдерін сын тұрғысынан талдай білу;
• жаңа бейтаныс жағдайларда зерттеу міндеттерін шешу үшін беріктілік пен ұзақ мерзімділіктің қазіргі заманғы теорияларын зерттеу шегінде алынған білімді біріктіре білу;
• жаңа технологияларды әзірлеу саласындағы жаңа проблемалар мен жағдайларды шешуде креативті ойлау және шығармашылықпен қарау;
• технологиялық процестерді жүзеге асырудың барлық жұмыс түрлерін ұйымдастыру және басқару дағдыларын қалыптастырады.

7М07107 "Көлік, көлік техникасы және технологиялары" білім беру бағдарламасының түлектері өндіріс жөніндегі директор; сапа және техникалық бақылау жөніндегі директордың орынбасары; бөлім бастығы; инженер-конструктор; инженер-технолог; көлік техникасын пайдалану және жөндеу жөніндегі инженер қызметін атқара алады.

Бітірушілердің кәсіби қызметінің нысандары ҚР барлық меншік түріндегі кәсіпорындары болып табылады:

• автоқұрастыру зауыттары,
• автожөндеу кәсіпорындары,
• көлік техникасын пайдалануды жүзеге асыратын кәсіпорындар мен ұйымдар,
• конструкторлық-технологиялық және ғылыми ұйымдар,
• көлік, жол және құрылыс техникасын және олардың компоненттерін өндіретін машина жасау зауыттары,
• машина жөндеу кәсіпорындары,
• көлік, жол және құрылыс техникасы сервисінің кәсіпорындары мен ұйымдары

Кәсіби құзыреттілікті қалыптастыруға бағытталған оқыту үшін заманауи "Лу Бань шеберханасы" инновациялық зертханасы құрылды, ол қазірдің өзінде инженерлік практика, көлік техникасы мен технологиялары саласында, сондай-ақ экологиялық гибридті автомобильдермен және электромобильдермен жұмыс істеуге  білікті мамандарды даярлай алады.

   Luban Workshop («Лу Бань шеберханасы») – 2 сектордан тұрады:

• Отын, гибридті және электр автомобильдеріне қызмет көрсету технологиялары секторы жеке ғимаратта орналасқан. Оқу зертханалық жабдықтар кешені, іштен жану қозғалтқышы, гибридті күш қондырғысы бар автомобильдердің және электромобильдің соңғы үлгілерін, сондай-ақ аталған автомобильдердің, олардың агрегаттары мен жүйелерінің құрылысын, диагностикасы мен техникалық сервисін зерделеу бойынша оқыту платформаларын қамтиды.
• Автомобильдердің SMART технологиялары секторы автомобильдердің белсенді қауіпсіздігін қамтамасыз ету және оларды автономды жүргізу бойынша автомобиль құрылымдарында SMART технологиялары мен жасанды интеллект элементтерін іске асыратын жабдықтар кешенін қамтиды.

Бұдан басқа, Көлік, көлік техникасы және технологиялар бағыты бойынша автомобиль отындары мен майларын сертификаттық сынау жөніндегі "САТиМ" ҒӨО" ғылыми-өндірістік орталығы бар, оған автомобиль бензиндерін, дизель отындарын және майлау материалдарын сынау жөніндегі жабдықтар кешені кіреді.

Қазіргі уақытта білім беру бағдарламасының арнайы пәндері бойынша сабақтарды 1 ғылым докторы, 4 ғылым кандидаты, 3 PhD докторы және 1 магистр жүргізеді. Оқытушылар ғылыми-зерттеу жұмыстарымен белсенді айналысады.

Білім беру бағдарламасын жүзеге асыру барысында білім алушыларды ғылыми-зерттеу жұмысына тарту міндетті болып табылады. Магистранттардың ғылыми зерттеулерінің нәтижелері республикалық және халықаралық маңызы бар басылымдарда үнемі жарияланып отырады.

Магистранттар академиялық ұтқырлық бағдарламасына қатысады. Серіктес ЖОО: Мәскеу автомобиль-жол мемлекеттік техникалық университеті (МАДИ) Мәскеу қ., Ресей, Вроцлав ғылым және технологиялар университеті, Вроцлав, Польша.

Магистранттар ғылыми жұмыстар конкурстарына, жас ғалымдар мен студенттердің республикалық және халықаралық ғылыми конференцияларына белсенді түрде қатысады.

Мамандық бойынша Республикалық ғылыми-зерттеу жұмыстары байқауларында магистранттар жыл сайын жүлделі орындарға ие болады.

Бітіргеннен кейін білім алушыға 7М07107 "Көлік, көлік техникасы және технологиялары" білім беру бағдарламасы бойынша магистр академиялық дәрежесі беріледі. Магистрлік диссертацияларды қорғау Шығыс Қазақстан облысының тірек кәсіпорындарында және Luban Workshop ("Лу Бань шеберханасы") зертханасында жүргізіледі.

Магистратураны бітіргеннен кейін түлектер ШҚТУ-да докторантура мамандықтары бойынша оқуды жалғастыруға мүмкіндігі бар.

2023 жылы магистратура түлектерін жұмысқа орналастыру 100% құрады.

Докторанттардың сабақтары мен ғылыми консультацияларын өткізу үшін бірқатар шетелдік ғалымдар тартылды. Көлік, көлік техникасы және технологиялары бағыты бойынша Халықаралық инженерия мектебінің штаттық профессоры - Kot Marcin Adam-Doctor PhD Habil. Eng. профессор AGH University of Krakow.

Арнайы пәндер мен ғылыми кеңестерді жүзеге асыратындар шетелдік ғалымдар:

• Piotr KOWALEWSKI, Associate professor, DSc. PhD. Eng. Wroclaw University of Science and Technology
• Wojciech Wieleba Professor, DSc, Eng. Wroclaw University of Science and Technology
• Liang Fang, Doctor PhD Tianjin University of Technology and Science
• Sroka Zbigniew, Professor DSc, Eng. Wroclaw University of Science and Technology
• Bouchner Petr, Doctor PhD,  Professor Czech Technical University in Prague
• Войнарович Сергій, техника ғылымдарының кандидаты, Е. О. Патон атындағы Электрмен дәнекерлеу институты Украина ҰҒА.