2022 жылдың 31 қаңтары мен 5 ақпаны аралығында Сантьяго-де-Компостела университетінде «Өтпелі экономикасы бар елдер үшін өнеркәсіптік кәсіпорындарды басқару бойынша магистрлік бағдарламаны әзірлеу» (MIETC) жобасы аясында серіктестердің кездесулері өтті.
Іс-шараға Сантьяго-де-Компостела университетінің, «AYEconomics» зерттеу орталығының (Испания), Тәжікстан технологиялық университетінің, Д. Серікбаев атындағы Шығыс Қазақстан техникалық университетінің, Қарағанды Қазтұтынуодағы университеті және Бизнес-Профи оқу орталығы (Қазақстан Республикасы) өкілдері қатысты.
Любляна университеті (Словения), Тәжікстан мемлекеттік сауда университеті және Фановар технопаркі (Тәжікстан), Федерико II атындағы Неаполь университеті (Италия), Түркіменстан Ғылым академиясы, Түрікменстан ғылым академиясының технологиялық орталығы, Түркімен мемлекеттік экономика және басқару институты, Түрікмен мемлекеттік қаржы мекемесі онлайн түрде қатысты.
Кездесу барысында мазмұнды дамыту, бейіндік пәндер бойынша тренингтер, аккредиттеу үдерісі, ағылшын тілін оқыту бағдарламасы, кәсіпкерлік орталықтар құру, тұрақты даму стратегиясы, жобаларды тарату, қысқа мерзімді жұмыс жоспары сияқты мәселелер талқыланды.
Еуропалық серіктестер оқытушылар үшін жасалған «Технологиялық кәсіпкерлік» магистрлік білім беру бағдарламасының негізгі курстарын оқыту әдістемесі бойынша тренингтер өткізді. Сондай-ақ жоба үйлестірушілерінің кездесулерінде серіктестер жобаның орындалу барысы туралы баяндап, серіктестікті дамыту бойынша алдағы әрекеттерді талқылады. Д.Серікбаев атындағы ШҚТУ-дан үйлестіруші Ж.Т. Конурбаева Қазақстандағы білім беру бағдарламасын аккредиттеу мәселелері бойынша баяндама жасады. Аға ғылыми қызметкер М.Ф. Юсубалиева Орталық Азиядағы серіктес елдердің мұғалімдеріне ағылшын тілін оқытудың нәтижелерімен таныстырды.
Жобаны үйлестіретін университеттің ауқымы таң қалдырады, университеттің тарихы 1495 жылдан басталады, кампус қаланың жартысына жуығын алып жатыр және қала инфрақұрылымы мен аймақтың әлеуметтік-экономикалық кеңістігін дамытуға белсенді қатысады. Қалада 100 мыңға жуық адам тұрса, оның 40 мыңы студенттер. Біз үшін университетте спин-офф-компанияны құру және ұйымдастыру тәжірибесі, бизнес-инкубатордың қызметі және медицина, косметология, ауыл шаруашылығы, құрылыс және т.б. саласындағы жергілікті және әлемдік компаниялармен жұмыс істейтін зертханалар қызықты болды.
Сантьяго-де-Компостела университеті зертханаларға, бизнес-инкубаторларға және кітапханаларға экскурсия ұйымдастырды.
