Д. Серікбаев атындағы Шығыс-Қазақстан мемлекеттік техникалық университеті және «1С-Рейтинг» компаниясы 21 ақпанда Д. Серікбаев атындағы Шығыс-Қазақстан мемлекеттік техникалық университетінде өтетін ««1С:Предприятие»: Қазақстан Республикасы оқу орындарының кәсіптік бағдарлану үрдісі» атты I-ші студенттік ғылыми-практикалық конференциясына шақырады.
Ғылыми-техникалық конференцияға қатысуға оқу орындарының оқушылары, барлық дәрежедегі білім беру жүйесінің қызметкерлері және оқу орындарымен жұмыс істейтін «1С» фирмасының серіктестері шақырылады.
Конференция мақсаты: Ғылыми-техникалық конференция оқу орындарының оқушыларына кәсіби бағыт беру, «1С» технологияларын қолдану арқылы білім беру сапасын көтерудегі көкейкесті мәселелерді талқылау, төменде көрсетілген бағыттар бойынша пікір және практикалық тәжірибе алмасу мақсатында өткізіледі.
Конференцияның тақырыптық бағыттары:
- «1С» бағдарламалық өнімдерін үйренудегі жаңа білім беру технологияларының дамуы және осы бағдарламалардың мамандар даярлаудағы рөлі.
- Кәсіптік білім берудің әртүрлі сатысында «1С» технологияларына байланыста арнайы құзыреттерді жасақтау.
- «1С» технологиясын қолдану арқылы жасалған жоғарғы және орта оқу орындары оқушыларының шығармашылық жұмыстары.
- «1С:Предприятие» платформасының және оның негізінде жасалған қолданбалы шешімдердің дамуы.
- Қоғамның инновациялық дамуының негізгі көзі ретіндегі бизнестің, білім беру жүйесінің және ғылымның серіктестігі.
- «1С» технологиялары көмегімен білім беру процесінің сапасын арттыру.
Конференция жайында толық ақпарат «1С-Рейтинг» компаниясының сайтында орналасқан http://1c-rating.kz/uc/edu-partners/invitation_3.php.
