Құрметті Өскемен қаласының тұрғындары және қала қонақтары, Д.Серікбаев атындағы ШҚМТУ-нің ұжымы Сіздерді Қала күні мерекесімен шын жүректен құттықтайды.
Бүгінгі күні қаламыздың материалдық және зияткерлік әлеуетін құруға өзінің еңбегін, күш-қуатын сарп етіп, сүйікті қаламыздың дамуына баға жетпес үлес қосып келе жатқан жандарға шексіз алғыс білдіреміз. Біз бұл жасыл қаламызды ерекше жақсы көреміз, өйткені, осы қалада еңбектеніп, өміріміздің барлық қуанышты да көңілді сәттерін қызықтап ғұмыр кешудеміз.
Осы айтулы күні барлық тұрғындарға тілейтініміз: бастарына бақ, отбасыларына шаттық, барлық игі бастамалардың қайырын және мерекелік көңіл-күй. Қаламыз әрқашан гүлденіп, ажарлана берсін, ең бастысы, еліміз бен жеріміз аман болып, ертеңгі күнге сенімділікпен қарайық.
Д.Серікбаев атындағы ШҚМТУ-нің баспасөз қызметі
