2016 жылы 30 қантарда «Қазақстан тарихы және құқық» кафедрасының аға оқытушылары Г.В. Жук, А.А. Тоқсанбаев қатысуымен университеттің № 2 жатақханасында «Құқық бұзушылық жасаған үшін жаза ретінде құқықтық жауаптылық» тақырыбында кафедра күні өткізілді. Кездесу кезінде келесі сұрақтар қарастырылды: құқық бұзушылықтын ұғымы, белгілері және түрлері; құқықтық жауаптылықтын ұғымы және түрлері; құқықтық жауаптылықтын негіздері; жазаның ұғымы және түрлері.

2016 жылы 5 ақпан күні «Қазақстан тарихы және құқық» кафедрасының меңгерушісі, тарих ғылымдарының кандидаты Р.К. Айдарбаева, тарих ғылымының кандидаты Г. Ниязханқызы, философия ғылымдарының кандидаты А.Б. Даембаева, аға оқытушы А.Ф Жақсылықов қатысуымен университеттің № 2 жатақханасында «Шығыс Қазақстан - еліміздің інжу-маржаны» тақырыбында кафедра күні өткізілді. Кездесуге «Серпін» Мемлекеттік бағдарламасы бойынша білім алып жатқан студенттер шақырылды. Мақсаты - басқа аймақтардан келген студенттерді өлке тарихымен, табиғатымен және экономикалық әлеуетімен таныстыру. Аталған тақырыптарда бейне роликтер көрсетіліп, студенттер арасында «Кенді Алтайды білесіз бе?» атты викторина өткізілді және жеңімпаздар анықталды.