Мемлекет басшысы Н.Ә. Назарбаевтың 2018 жылғы 5 қазандағы «Қазақстандықтардың әл-ауқатының өсуі: Табыс пен тұрмыс сапасын арттыру» атты Қазақстан халқына жолдауын университетіміздің «Қазақстан тарихы және Қазақстан халқы Ассамблеясы» кафедрасының аға оқытушысы Джаксылыков Амантай Фрунзевич «Математикалық және компьютерлік модельдеу» мамандығының 1 курс студенттеріне толық сипаттап, жеткізді.
Бұл өте қызу талқылау болды. Өйткені, студенттер университет қабырғасын биыл ғана аттаса да, университетімізде сапалы білім ірге тасының берік қаланып жатқанын, оның инфрақұрылымының жан-жақтылығы және оқытушылардың жоғары біліктілігі сипаттайтынын байқағандықтарын айтты. Елбасының «Қазіргі білім инфрақұрылымының базасында Назарбаев Университетінің үлгісімен өңірлік жаңа жоғары оқу орнын құру қажет» деген ұсынысына біздің университетіміздің жетекші университет ретінде сәйкес келетінін атап өтті.
«Математикалық және компьютерлік модельдеу» кафедрасының
кураторлары Раушан Мухамедова, Назгүл Оспанова
