Бүгін Suleyman Demirel University ректоры Әлімжан Игенбаев бастаған делегация Д. Серікбаев атындағы ШҚТУ-да қонақта болды.
Қазақстанда ағылшын тілінде оқыту жүргізілетін алғашқы университет өкілдері ШҚТУ материалдық техникалық базасымен танысты. Алматы қаласынан келіп отырған қонақтарға жоғары оқу орнының құзірет орталықтары, «Үлкен Алтай» мұражайлары таныстырылды. Университет базасындағы технологиялар өңірдің әлеуметтік, ғылыми және кәсіпкерлік жағдайында қолданылу тәжірибесімен таныстырылды.
Оңтүстік өңірден келген қонақтарды медициналық мақсаттағы импланттар жасау технологиялары, Шығыс Қазақстандағы ірі компаниялармен байланыс моделі, Д. Серікбаев атындағы Шығыс Қазақстан технологиялық университетіндегі статистикалық деректерді сараптау, талдау технологиялары тәнті етті.
Suleyman Demirel University делегациясы мен Д. Серікбаев атындағы ШҚТУ басшылығы арасындағы келелі кездесу екі жақты ынтымақтастық туралы меморандумға қол қою шарасымен аяқталды.
