Ақпараттық технологиялар және интеллектуалды жүйелер мектебіне физика-математика ғылымдарының докторы, РҒА СБ Есептеу математикасы және математикалық геофизика институтының ЖАК доценті (Новосибирск) Иван Казанцев келді.

Профессор студенттерге "Медицинадағы көрнекі ақпаратты өңдеу" және "Компьютерлік модельдеу негіздері" пәндері бойынша дәріс оқиды. Ғалым докторанттарға кеңес беріп, оқушыларды гранттық бағдарламалар мен халықаралық жобаларға шақырады. Иван Гаврилович дәрістерін қараша айының соңына дейін жалғастырады.

Сондай-ақ, "Қазақстанның жетекші жоғары оқу орындарына шетелдік ғалымдар мен консультанттарды тарту" бағдарламасын іске асыру шеңберінде "медициналық инжиниринг" оқу бағдарламасының студенттеріне "аналогтық және цифрлық ақпарат" пәні бойынша 2022 жылғы 1 қыркүйектен бастап 31 желтоқсанға дейін техникалық ғылымдар кандидаты, қауымдастырылған профессор, Томск мемлекеттік басқару жүйелері және радиоэлектроника университеті "Өнеркәсіптік электроника" кафедрасының доценті Саюн Владимир Михайлович онлайн сабақтар өткізу үшін шақырылды.

ҚР жоғары оқу орындарына шетелдік мамандарды тартудағы мақсат - Білім беру бағдарламаларының сапасын арттыру, университет ПОҚ халықаралық байланыстарын кеңейту, халықаралық ғылыми басылымдардағы жарияланымдар санын ұлғайту, сондай-ақ одан әрі ғылыми және білім беру ынтымақтастығы үшін база қалыптастыру.