19 қазанда Д.Серікбаев атындағы Шығыс Қазақстан техникалық университетінде халық жазушысы Шерхан Мұртазаның 90 жылдығына арналған ғылыми-әдістемелік семинар өткізілді.

Семинарға «Қазақ және орыс тілдері», «Қазақстан тарихы және қоғамдық-саяси пәндер» кафедраларының оқытушылары, сонымен қатар «Зерде», «Алтын бесік – Мұзтау» клубтарының студенттері қатысты.

Джаксылыков Амантай Фрунзевич, Асавбаева Гульзада Байдрахмановна, Есимжанова Гульжан Турсынгалиевна жазушының қоғамдық-саяси, аудармашылық қызметі, сондай-ақ оның елін сүйетін патриоттық тұлғасы мен шығармашылығының қазіргі қазақ әдебиетінің дамуына тигізген ықпалы туралы айтып берді.

Калиева Канша Саветкановна интернет-ресурстарда – электрондық энциклопедия, арнайы портал, газет (электрондық нұсқасы), журнал (электрондық нұсқасы), ақпараттық портал, Шерхан Мұртазаның өмірбаянымен, шығармашылығымен, шығармаларының мазмұнымен танысуға мүмкіндік беретін бейне ресурстарменен  таныстырды.

Қорытындылай келе, «Зерде», «Алтын бесік – Мұзтау» клубтарының студенттері осы іс-шараны ұйымдастырып өткізген гуманитарлық білім факультетінің оқытушыларына алғыстарын білдірді.