ШҚТУ-дың 65 жылдық мерейтойын атап өту аясында академик Қаныш Сәтбаевтың туған күніне арналған "Қазақстан үшін кадрлар даярлаудағы өндіріс пен білімнің өзара іс-қимылы" атты дөңгелек үстел өтті.
12 сәуір күні Ғылым апталығы аясында Жер туралы ғылым мектебі, Металлургия және пайдалы қазбаларды байыту мектебі облыскәсіпорындарымен бірге "Қазақстан үшін кадрлар даярлаудағы өндіріс пен білімнің өзара іс-қимылы" мәселелері дөңгелек үстел барысында талқыланды. Іс-шара Өскеменнің тау-кен металлургия кешені, геологиялық барлау, жерге орналастыру, кадастр, геодезия, маркшейдерия саласындағы салалық кәсіпорындарымен офлайн режимінде өтті.
Университет залында геодезиялық жабдықтар көрмесі ұйымдастырылып, спутниктік технологиялар, лазерлік сканерлеу, аэрофототүсірілім және басқа да жаңа технологиялық шешімдер таныстырылды.
Дөңгелек үстел барысында баяндамалар оқылып, қатысушылар ғылыми тақырыптарды талқылады.
