2024 жылдың 25 сәуірінде "EduWeek EKTU-2024" академиялық апталығы аясында "Digital Social Research" халықаралық ғылыми-зерттеу орталығы "Университет - қазақстандық құндылықтарды сақтау және дамыту кеңістігі" тақырыбында дөңгелек үстел өткізді. Бұл іс-шараның мақсаты "Адал адам-Адал еңбек - Адал табыс" ұлттық құрылтайының үшінші отырысында Мемлекет басшысы Қ.-Ж. Тоқаев белгілеген жалпы қазақстандық құндылықтарды қалыптастыратын білім мен дағдылар кешенін университеттің білім беру процесіне интеграциялау болды.
Дөңгелек үстел жұмысына университет студенттері мен шақырылған қонақтар - Әшімова Аяужан Тұрсынбекқызы, "ШҚО Азаматтық Альянсы" ЗТБ төрағасы, ШҚО Қоғамдық Кеңесінің мүшесі, Әділбеков Айдос Әділбекұлы, Шығыс Қазақстан облысы әлеуметтік даму департаментінің "Жастар ресурстық орталығы" КММ директоры қатысты. Олар ҚР жастар саясатының негізгі бағыттары және оларды біздің өңірде іске асыру, облысымызда құрылған жастардың шығармашылық әлеуетін іске асыру мүмкіндіктері туралы айтып берді.
"DSR" МНО бас ғылыми қызметкері, әлеуметтану ғылымдарының кандидаты Элеонора Столярова құндылықтар мәнін, оның әр түрлі жастағы және әлеуметтік топтардың өкілдері арасында неге әр түрлі болуы мүмкін және мамандықты дұрыс таңдау маңыздылығы туралы айтты.
Дөңгелек үстелді модерациялауды Д.Серікбаев атындағы ШҚТУ "Digital Social Research" халықаралық ғылыми-зерттеу орталығының жетекшісі, тарих ғылымдарының кандидаты, қауымдастырылған профессор Жанна Сәкенқызы Әубәкірова жүргізді.
"DSR" ХҒЗО
